Psa 56 | LXX | STEP | εἰς τὸ τέλος, ὑπὲρ τοῦ λαοῦ τοῦ ἀπὸ τῶν ἁγίων μεμακρυμμένου· τῷ Δαυιδ Εἰς στηλογραφίαν, ὁπότε ἐκράτησαν αὐτὸν οἱ ἀλλόφυλοι ἐν Γεθ. Ἐλέησόν με, κύριε, ὅτι κατεπάτησέν με. ἄνθρωπος, ὅλην τὴν ἡμέραν πολεμῶν ἔθλιψέν με

Psalms 56

1 ^{▼▼LXX: Psa.55:1}εἰς τὸ τέλος, ὑπὲρ τοῦ λαοῦ τοῦ ἀπὸ τῶν ἁγίων μεμακρυμμένου· τῷ Δαυιδ Εἰς στηλογραφίαν, ὁπότε ἐκράτησαν αὐτὸν οἱ ἀλλόφυλοι ἐν Γεθ. ^{▼▼LXX: Psa.55:2}Ἐλέησόν με, κύριε, ὅτι κατεπάτησέν με. ἄνθρωπος, ὅλην τὴν ἡμέραν πολεμῶν ἔθλιψέν με 2 ^{▼▼LXX: Psa.55:3}κατεπάτησάν με οἱ ἐχθροί μου ὅλην τὴν ἡμέραν, ὅτι πολλοὶ οἱ πολεμοῦντές με ἀπὸ ὕψους. 3 ^{▼▼LXX: Psa.55:4}ἡμέρας φοβηθήσομαι, ἐγὼ δὲ ἐπὶ σοὶ ἐλπιῶ. 4 ^{▼▼LXX: Psa.55:5}ἐν τῷ θεῷ ἐπαινέσω τοὺς λόγους μου ὅλην τὴν ἡμέραν. ἐπὶ τῷ θεῷ ἤλπισα, οὐ φοβηθήσομαι· τί ποιήσει μοι σάρξ; 5 ^{▼▼LXX: Psa.55:6}ὅλην τὴν ἡμέραν τοὺς λόγους μου ἐβδελύσσοντο, κατ' ἐμοῦ πάντες οἱ διαλογισμοὶ αὐτῶν εἰς κακόν. 6 ^{▼▼LXX: Psa.55:7}παροικήσουσιν καὶ κατακρύψουσιν· αὐτοὶ τὴν πτέρναν μου. φυλάξουσιν, καθάπερ ὑπέμειναν τὴν ψυχήν μου 7 ^{▼▼LXX: Psa.55:8}ὑπὲρ τοῦ μηθενὸς σώσεις αὐτούς, ἐν ὀργῇ λαοὺς κατάξεις, ὁ θεός. 8 ^{▼▼LXX: Psa.55:9}τὴν ζωήν μου ἐξήγγειλά σοι, ἔθου τὰ δάκρυά μου ἐνώπιόν σου. ὡς καὶ ἐν τῇ ἐπαγγελίᾳ σου 9 ^{▼▼LXX: Psa.55:10}ἐπιστρέψουσιν οἱ ἐχθροί μου εἰς τὰ ὀπίσω, ἐν ᾗ ἂν ἡμέρᾳ ἐπικαλέσωμαί σε· ἰδοὺ ἔγνων ὅτι θεός μου εἶ σύ. 10 ^{▼▼LXX: Psa.55:11}ἐπὶ τῷ θεῷ αἰνέσω ῥῆμα, ἐπὶ τῷ κυρίῳ αἰνέσω λόγον. 11 ^{▼▼LXX: Psa.55:12}ἐπὶ τῷ θεῷ ἤλπισα, οὐ φοβηθήσομαι· τί ποιήσει μοι ἄνθρωπος; 12 ^{▼▼LXX: Psa.55:13}ἐν ἐμοί, ὁ θεός, αἱ εὐχαὶ ἃς ἀποδώσω αἰνέσεώς σοι, 13 ^{▼▼LXX: Psa.55:14}ὅτι ἐρρύσω τὴν ψυχήν μου ἐκ θανάτου καὶ τοὺς πόδας μου ἐξ ὀλισθήματος τοῦ εὐαρεστῆσαι ἐνώπιον τοῦ θεοῦ ἐν φωτὶ ζώντων.